miaka89181 on Xanga

Weblog

Thursday, 28 August 2008

27/8/2008

2008/8/27

昨日特登找左大假陪我妹同瞳瞳 + 囡囡去玩~
因為我妹26號生日呀ma~

果日我地十一點到起身~拾埋野~換下衫~
十二點到就同妹&媽去左紅高樑食lunch~
哈~食完之後慢慢行返屋企~唉~真係又熱又晒~
想熱死人咩~.~

到左一點幾到啦~就出門口了!呵~
係樓下佢地兩隻野就屙野啦~
佢地梗係開心啦~咁早就落街~
個死人肥婆lo~朝頭早就嘈住晒~.~

等埋呀媽個男朋友食埋野之後~就上車了!
今日帶左部新相機~^v^~好靚呀!!!
d 相~哈~影呀瞳同呀囡佢地~^v^~

二點到出到荃灣接埋呀婆~就去第一站~馬騮山!
佢地兩個見到婆婆就吠了=,=
哈哈~送囡囡上山俾d馬騮打下佢先~
講笑o者~

好快就去到了~落車行左陣~好熱又晒~
去左個亭度坐左陣~又同瞳瞳&囡囡影下相咁啦~^v^~
靚~~~又同婆婆影相~影左陣又行下~
三點到熱到要走左~上返車~中途有好多馬騮~
停左車~又之瞳瞳&囡囡對住d馬騮吠到爆~哈哈~幾勁呀~
係車入面果陣~哈哈~
之後就去第二站~emax!

好快三點幾就去左了~到左emax~就去四樓既petmax啦~呵呵
佢地又可以自己行又有冷氣wo~
正~買左d好香既cookies俾佢地試下~同埋兩條能量骨~
係士多啤利味同芝士味呀!
坐左陣就俾佢地食cookies~
再行左陣~哈哈~影左幾張相咁啦~

四點幾到就去左西貢食野先~
好貴呀~買左五個包同三杯野飲就成百四蚊啦~
慢慢食又影下相~坐左陣~
五點幾去左海旁行左陣~^v^~好多海蘚呀~
之後去拎車~再到西貢獅子會既狗公園了!

去到有隻金毛係度玩緊~^v^~
囡囡自己識上去斜板度~影左幾張相~好多蚊呀!>.<!
又玩下隧道~今次瞳瞳同囡囡都過到啦~哈哈~
好快就走左lu~係咁俾蚊咬呀!>.<!
再下一站~六點幾到~去左附近既碼頭度~又行下影下相咁啦~
佢地兩隻野不知幾開心呀!

差唔多七點到就坐車返屋企~
佢地兩隻好累~sleeping~^v^~
晚上返左屯門食飯飯~何褔堂果度~正!

老公豬今日又要返鄉下啦~>.<~掛住老公豬!
食完飯八點幾~上返車~車左我同妹返屋企先~
之後再車埋婆婆返屋企~佢地再出九龍wo~

同妹返到屋企九點到啦~拾埋野~睇下相~之後沖埋涼~
就係home睇糖心風暴啦~好好睇呀~
明天又要返學又冇得睇啦~>.<~
返到屋企佢地兩個已經訓死左lu~呵~

十一點到入左room lu~
睇左陣漫畫~同老公豬傾左電話~十二點到就sleep左lu~
今日玩得好開心呀~^v^~
明天又要返學lu~唔知老公豬明天幾點返到黎呢!?

Friday, 30 May 2008

30-May-08

琴日都差唔多六點到就同pizza行去搭車~
好快~六點三就上左車lu~呵呵~
七點到已經返左屋企~勁早呀~哈哈~^v^~
之後陪瞳瞳 & 囡囡玩左陣~就去沖涼~
瞳瞳又吠~.~囡囡又傻笑~

今晚同老公豬 + 佢個fd turbo去食壽司~
等到8點幾~老公豬打電話俾我就出門口啦~
原本諗住搭輕鐵架~不過要等好耐~所以去搭的士~

好快就到左何褔堂~等埋老公豬 + turbo~
差唔多成九點先食~食自助刺身同壽司~
成人$148.00/位~之前我同老公豬 + 狗友去旺角又食自助壽司都係差唔多咁既價錢~
點知叫左好耐d刺身都未黎~d壽司又難食~叫左個手卷~d紫菜又唔趣~
食到老公豬o左咀~自助果d野食仲搞笑~得d菜同姑~仲好食咪得三文魚熟食~
得果三樣~其他咩都冇~唉~諗住d刺身會好d啦~
點知食左一碗刺身後就咩胃口都冇晒~
總之去扒王之王食扒好過~都唔洗咁貴~又好味好多~
食到我地三個都o晒咀~下次唔會再黎食呀!
去返旺角果間仲正d tim~
最好食就係杯雪糕lo~睇左陣電視~10:30走左lu~

turbo返屋企溝女~哈哈~我同老公豬行左去紅橋~佢去篤波~我搭巴士返屋企~
十一點返到屋企~帶佢兩隻野落街街~跑左陣~
11:30到返左屋企~幫瞳 &囡抹手腳~
食左個橙就上床睇漫畫~之後同老公豬傾左陣電話~
12:30到sleep~老公豬又去篤波~.~

明天同老公豬食飯飯~呵呵~^v^~
之後一齊去放狗~哈哈~

原本諗住星期六染頭髮~不過星期六係我個囡生日~可能唔染住~
因為要係屋企度整蛋糕俾囡囡~2 age la~^v^~
瞳瞳今年十二月4 age lu~

Thursday, 29 May 2008

29-May-08

29-May-08

昨日六點工已經到左巴士站啦~勁早呀~哈哈~
不過走左一部車~等到搭五先有部~.~
七點十五分到返左屋企LO~已經開始飲緊湯~
瞳瞳豬 + 囡囡豬見到我返黎又勁開心呀~^B^~
瞳瞳LO~一開心就吠~唔俾我摸囡囡~=,=

食完飯飯8點到~之後睇電視~
又同囡囡玩左陣~玩到跳來跳去~哈哈~搞笑~^V^~
瞳瞳又玩到成個BB仔咁~
九點幾食生果~再睇埋法證先峰2~
就同佢地兩隻野落左樓下行左陣~跑來跑去~哈哈~
十一點到返屋企~幫佢地抹完身~睇左陣電影~十一點幾去沖涼LU~
再吹埋頭~十二點上床又睇漫畫~訓之前同老公豬講左陣電話~
十二點幾就SLEEP左LU~^V^~

Tuesday, 27 May 2008

28-May-08

昨日都好準時放工呀~哈哈~因為尼個星期d野唔多~
下個星期就慘啦~月頭要追返五月d野~又要計存貨表~唉~.~
仲要十號埋埋數~真係諗起都頭痛lo~>.<~
趁而家梗係有咁早就早d放工啦~哈哈~

昨日都好快返到屯門~七點多d就返到盈豐lu~
去買飯盒同麵~順便行左陣~^v^~買埋老公豬果份~
如果星期六冇野做~就去染髮啦~哈哈~其實我想染好耐架啦~
不過冇時間之ma~星期日又多人wo~所以諗住星期六去染~哈哈~

七點幾返到屋企~果兩隻野又發顛~哈哈~見到我ma~
之後同妹食麵麵 + 睇電視~
8點幾~老公豬探完佢爺爺就過黎搵我~
佢食完野就一齊睇電視~呀妹約左fd食糖水~又可以二人世界lu~呵~
九點幾~同老公豬落街放狗~^v^~同埋瞳瞳 + 囡囡~
佢兩隻野落街都好鬼開心~之後例牌拾屎~
陪老公豬去ok買啤酒~因為星期六燒剩左d丸~今日會由小豬整帶去放狗度食~^v^~

十點幾~食下野~飲下野~同呀lu媽 & paper爸呀漢傾下計~
同gube媽傾左陣就一齊行返屋企~
返到家~已十一時多了~
同瞳瞳 & 囡囡抹完手手腳腳之後就自己沖涼~

吹埋頭十二點幾~上床睇漫畫~之後就同老公豬傾左陣電話~
差唔多一點就sleep了~好眼訓~.~
老公豬仲去篤波~=,=
明天冇得同老公豬食~因為我媽放假~係屋企食~
星期四先同老公豬食~^v^~